Хууль зүйн байнгын хорооны хуралдаанаар Шүгэл үгээгчийн эрх зүйн байдлын тухай хуулийг хэлэлцэж байна. Хуулийн төслийн талаар Хууль зүй, дотоод хэргийн сайд Х.Нямбаатар танилцуулга хийлээ. Тэрбээр "Авлигатай тэмцэх газар шүгэл үлээсэн талаарх мэдээллийг нэгтгэн гаргаж, олон нийтэд буюу Хууль зүйн байнгын хороонд хүргүүлдэг байхаар, олон нийтийн хэвлэл мэдээллийн байгууллагал хандсан шүгэл үлээгчийн  мэдээллийг мэдээлсэн эх сурвалжаа нууцласан байхаар уг хуульд тусгалаа.

      Хуулийн төслийн онцлох зохицуулалт буюу нийтийн ашиг сонирхлын төлөө шүгэл үлээсэн бол дэмжих урамшуулах тогтолцоог бүрдүүлэх хүрээнд түүнд мөнгөн урамшуулал олгохоор зохицуулсан. Мөнгөн урамшууллыг 100 мянган төгрөгөөс 1.5 тэрбум төгрөг байхаар тооцсон. Үүнийг асуудал хариуцсан байгууллага, мөнгөн урамшуулал олгох зөвлөлөөр хэлэлцэж шийдвэрлэхээр тусгасан. Мөн шүгэл үлээсний үр дүнд нийтийн ашиг сонирхлыг хохироосон, гэмт хэргийг илрүүлсэн бол харгалзан үзэх яг хөнгөрүүлэх нөхцөлтэй байхаар нэмж тусгасан" гэлээ.