Ардчилсан намын дарга С.Эрдэнэ, УИХ-ын гишүүн Д.Ганбат нар цаг үеийн асуудлаар мэдээлэл хийлээ.

      Энэ үеэр Д.Ганбат гишүүн “Ардчилсан намын бүлгээс Үндэсний аюулгүй байдлын зөвлөлд албан бичиг илгээнэ. Улс орны өмнө нэн хариуцлагатай үе ирлээ. Үнийн өсөлт дйилдэхгүй, ард түмний амьдрал өдрөөс өдөрт доройтож байна. Гэтэл 2023 оны улсын төсөв баталлаа. УИХ-ын Засгийн газарт тавих хяналт Үндсэн хуулийн нэмэлт өөрчлөлтөөр байхгүй болсон. Цаашдаа УИХ хэвийн үйл ажиллагаа явуулах боломжгүй боллоо. Өнгөрсөн зун мөн хариуцлаггүй үйлдлүүд их хийлээ. Тухайлбал, түрэмгийлэл хийж байгаа улсыг өөрийнхөө нутаг дэвсгэр дээр урьж, аваачин Сэлэнгээс Ховд аймаг хүртэл ил марш тактик хийж, цуваа татаж, ард түмнийг айлгасан байдалтай хээрийн сургууль хийлээ. Нам өндөрт нисдэг тэргийг нисгэж, Ховдын ард түмнийг айлгалаа. Мөн алс дорнодод Монголын цэргүүдийг аваачиж, дайн хийж байгаа улс оронтой нэгдсэн. Дайны тухай Украины Ерөнхийлөгчийг үг хэлэхийг хориглож, түдгэлзсэн санал өгсөн байна. Энэ талаар бид тайлбар шаардана. Түүнээс гадна эв нэгдэл хамгийн чухал. Гэтэл ардчилсан намыг хоёр хувааж, манай нөхдүүдийг ашиглан хагарал үүсгэлээ. Ардчилсан Үндсэн хууль бол Монгол Улсын Үндсэн хууль” гэв.