УИХ-ын чуулганы хуралдаанаар Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж байна. Хуулийн төсөлтэй холбоотой гишүүд асуулт асууж, хариулт авч байна.

      УИХ-ЫН ГИШҮҮН Г.АМАРТҮВШИН: Төсөв болон мөнгөний бодлого хэлэлцэж байх явцад ханшийн зөрүүг ярихаас аргагүй. Гэхдээ өнгөрсөн хоёр жилийн хугацаанд ковидын нөхцөл гэж баахан бэлэн мөнгө тарааж, хөнгөлөлт үзүүлсэн. Монголбанк мөнгөний бодлогоо чангаруулсан нь цаг алдсан байна. Арилжааны банкууд зээл гаргахгүй байна. Бид 450 сая ам.доллараар гадагшаа аяласан байна. Цаашид төлбөрийн тэнцэл дээр ямар арга хийх гэж байна. Арилжааны банкууд IPO гаргах гэж байсан. Гэтэл үүнийг нь хойшлуулчихсан. Ипотекийн зургаан хувийн хөтөлбөр чинь хэрэгжиж байгаа юу. МИК гэж байгаа юу. Төгрөгийн шинэ дэвсгэрт гаргана гэсэн. Мөнгөний нийлүүлэлт өөрчлөгдөхгүй бол инфляцад нөлөөлөхгүй. Далд эдийн засгийг дэмжих сул тал болох вий.

          МОНГОЛБАНКНЫ ЕРӨНХИЙЛӨГЧ Б.ЛХАГВАСҮРЭН: Бодлогын хүү оны эхнээс хойш зургаан нэгжээр өсөж 12 хувьд хүрсэн байна. Эдийн засгийн идэвхжилтээс цаашид хамаарна. Активын чанарын үнэлгээг хийж дуусгасан. Монголбанк автомашины лизингийн хугацааг багасгасан. Өр орлогын харьцааг тусгасан шинэ заалт оруулж байгаа. Тэгэхээр орлого нь хангалттай хүн автомашины зээл авна. Мөнгөн дэвсгэртийн хувьд Монгол Улсад гүйлгээнд 11 дэвсгэрт байдаг. Энэ 11 дэвсгэрт нь хэчнээн дэвсгэрт, ямар хэмжээтэй байх нь УИХ-ын бүрэн эрхийн асуудал