Байгаль орчин, хүнс, хөдөө аж ахуйн байнгын хороогоор Өвөлжилтийн бэлтгэл ажлын талаарх Орчны бохирдлыг бууруулах үндэсний хорооны мэдээллийг сонсож байна.

Хэлэлцэж байгаа асуудалтай холбоотой УИХ-ын гишүүд асуулт асууж, хариулт авч байна.

УИХ-ЫН ГИШҮҮН Ж.БАТЖАРГАЛ: Энэ жил өвлийн улиралд хэрэглэх түлшний нөөц бололцоо хэр байна вэ. Мөн Улаанбаатар хотын агаар орчны бохирдлыг бууруулахаар Төв аймагт хүнд тусаад байдаг. Багануур, Шивээхүрэнгээс Төв аймаг нүүрсний хэрэгцээгээ хангадаг. Хуучин бид төмөр замаар нүүрсний хэрэгцээгээ хангадаг байсан бол одоо авто тээврээр явж байна. Тэгэхээр нэг тэрбум төгрөгийн зөрүү гараад байна. Төрөөс гаргасан шийдвэрүүд орон нутгийн иргэдэд хүндрэл үүсгэхгүй баймаар байна.

Орчны бохирдлыг бууруулах Үндэсний хорооны нарийн бичгийн дарга Б.АЛТАНЗУЛ: Сайжруулсан шахмал түлшний нөөцөө хангалттай бүрдүүлсэн. Энэ жил 119 мянган тонн нүүрс агуулахад хадгалсан, 7085 тонн барьцалдуулагч бодис хадгалсан, Мөн түүхий эд 248 мянган тонн байна. Засгийн газраас ажлын хэсэг гаргаж, сайжруулсан түлшний түүхий эдийн нөөц, үйлдвэрлэлийн чанарт байнга хяналт тавин ажиллаж байгаа.