Засгийн газрын өнөөдрийн ээлжит хуралдаанаар Зам,Тээврийн Хөгжлийн сайд асан Л.Халтарыг ЗТХ-ийн дэд сайдаар томилжээ.

      Монгол Улсын зөвлөх инженер тэрбээр ОХУ-ын Санктпетербург хотын Зам харилцааны их сургуулийг иженер мэргэжлээр төгссөн ба докторын зэрэгтэй. 1983 онд “Улаанбаатар төмөр зам” хувь нийлүүлсэн нийгэмлэгийн Захиргааны хэлтэст цэвэрлэгч, 1983-1985 онд мөн хувь нийлүүлсэн нийгэмлэгийн Худалдааны баазад ачигчаар ажиллаж байсан. Түүнчлэн 1990-1992 онд “УБТЗ” ХНН-ийн Төмөр замын коллежид багш, 1992-1993 онд “УБТЗ” ХНН-ийн Ачиж, буулгах ангийн орлогч дарга, 1993-2006 онд “УБТЗ” ХНН-ийн Тээвэр зуучийн төвд захиралаар ажилласан. 2006-2018 онд “УБТЗ” ХНН-ийн Удирдах газарт орлогч дарга 2018-2020 Зам, Тээврийн Хөгжлийн дэд сайд, 2020 оноос Зам, Тээврийн Хөгжлийн сайдаар ажиллаж байсан туршлагатай  юм.