УИХ-ын чуулганы нэгдсэн хуралдаан үргэлжилж байна. Энэ үеэр УИХ-ын дарга Г.Занданшатар чуулганы хуралдаанд хоцорч ирсэн Ц.Мөнх-Оргил гишүүнийг “Сайн байна уу, Цэндийн Мөнх-Оргил гишүүн ээ, сайхан амарсан уу. Чойжилсүрэн гишүүн картаа орхиод гарсан байна. УИХ-ын чуулганы хуралдаанд орж ирээрэй” гэв.

       Харин  Авто тээврийн тухай хуульд нэмэлт өөрчлөлт оруулах тухай хуулийн төслийг эцэслэн батлахаар санал хураалт явууллаа. Энэ үеэр Х.Болорчулуун гишүүн “Санал хураалтын товч ажиллахгүй байсан учир дахин санал хураалт явуулахыг хүсэж байна” гэв. Харин УИХ-ын дарга Г.Занданшатар “Э.Түвшинжарал гишүүн санал хураалт битгий үймүүлээд бай. Чамаас болоод санал хураалт болохгүй байна” гэлээ.