УИХ-ын ээлжит нэгдсэн чуулган өнөөдөр болж, Төрийн ба орон нутгийн өмчит компанийн тухай хуулийг хэлэлцэж байна.

  Энэ үеэр УИХ-ын гишүүн С.Бямбацогт “Төрийн болон орон нутгийн өмчит компаниудыг цэгцлэх цаг нь болсон. Үндсэндээ өнөөдөр угжны хурга шиг угжуулаад, тэтгүүлээд байх болсон. Айлаар яривал, шоовдор хүүхдүүд нь хувийн хэвшлийнхэн, эрх танхи хүүхэд нь төрийн өмчит компаниуд болсон. Учир нь, төрийн өмчит компаниудад төрд ажиллаж байгаа дарга даамлын улстөрчдийн халаасны хүмүүс, цүнх баригч нар томилогддог. Төрийн өмчит 170 компани, орон нутгийн өмчит 270 компани байна. Түүнээс гадна Сайншанд, Эгийн голын төслийн нэгжүүд байна. Юу ч хийдэггүй, хэсэг төслийн нэгжүүдтэй. Эгийн гол бол 40-50 тэрбум төгрөгийн алдагдалд орсон. Энэ мэтээр хуучин агентлаг, газруудаа хэрхэн цэгцлэх вэ" гэв.