Украины Ерөнхийлөгч Владимир Зеленский Харьков муж дахь цэргийн баазад зочиллоо гэж BBC мэдээллээ.

Энэ нь хоёрдугаар сарын 24-нд Оросын түрэмгийлэл эхэлснээс хойш түүний Киев мужаас гадуур хийсэн анхны албан ёсны айлчлал юм. Түүнийг сум нэвтэрдэггүй хантааз өмсөж, Харьков хотын балгасыг судалж буйг зургаас харж болно. Ерөнхийлөгч Зеленский цэргүүдэд хандан "Би та бүгдийн хүчин зүтгэлд талархал илэрхийлмээр байна" гэжээ. Дараа нь тэр орон нутгийн хамгаалалтын даргыг хотыг хамгаалаагүй хэмээн ажлаас нь халсан байна. Украины хоёр дахь том хот Харьков дайны эхний саруудад хүчтэй бөмбөгдөлтөд өртөж, цамхгийн блокууд нурангa болж хавтгайрсан зургуудыг олон нийтэд дэлгэжээ. Оросын цэргүүд дөрөв,тавдугаар сард эргэн тойрныхоо хотуудаас аажмаар түлхэгдэж гарснаас, Харьковаас дүрвэсэн хүмүүсийн зарим нь буцаж ирэн, довтолгооноос хойш анх удаа метро дахин нээгджээ. Гэхдээ энэ хот Оросын их бууны тусгалын хүрээнд байгаа хэвээр байна. Ноён Зеленскийн айлчлалын дараа хотод хэд хэдэн хүчтэй дэлбэрэлт сонсогдон байна. Ерөнхийлөгч Зеленскийн ажлын албаны Page дээр "Харьков болон бүс нутагт 2229 барилга сүйрсэн. Бид сэргээн босгож энд  дахин амьдралыг эхлүүлнэ. Харьков болон бусад бүх хот, тосгонд аймшигт гамшиг тохиолоо" гэсэн гарчигтай видео нийтэлжээ. Уг бичлэгт Украины цэргүүд ноён Зеленскийд дайны улмаас учирсан хохирол, тэр дундаа замын хажууд эвдэрсэн цэргийн машинуудыг танилцуулж буйг харуулсан байна.

ЭХ Сурвалж: BBC NEWS