• Өнөөдөр 2026-03-23

"Чандмань Трэйвл"-ийн дулаахан аялалууд үргэлжилсээр...

2025-01-09,   491

             Идэр ес тачигнасан энэ өдрүүдэд “ЧАНДМАНЬ ТРЭЙВЛ” ХХК-ийн ДУЛААХАН аяллууд үргэлжилсээр. Хайнан, Тайланд, Вьетнам зэрэг дэлхийн жуулчид хамгийн их зорьж очдог орнуудад монгол аялагчдынхаа тав тухыг бүрдүүлж, сэтгэл ханамж дүүрэн аялуулж байна.
 
       Энэ удаагийн аяллын "унаа" “Juneyao Air” компани байв. Тодруулбал, БНХАУ-ын “Juneyao Air” компани арванхоёрдугаар сарын 11-ээс эхлэн Улаанбаатар-Хайнан арлын Саньяа хотын чиглэлд долоо хоногт нэг удаа шууд нислэг үйлддэг болж, хамгийн анхны зорчигчдын бүрэлдэхүүнд “ЧАНДМАНЬ ТРЭЙВЛ”-ийнхэн багтлаа. “Juneyao Air” компани нь 2005 онд үүсгэн байгуулагдсан, Хятадын хувийн эзэмшлийн тэргүүлэгч агаарын тээврийн компаниудын нэг юм. Одоогийн байдлаар тус компани Ази, Европын орны 200 орчим чиглэлд нислэг хийдэг.
 
        Аялал арванхоёрдугаар сарын 11-18-нд үргэлжилсэн бөгөөд Улаанбаатараас ниссээр Саньяа хотод газардав. Аяллын хугацаанд: Атлантис усан парк, Шилэн гүүр, Янода цэцэрлэгт хүрээлэн, Ялонг булан, Агаарын дүүжин зам, Дэлхийн миссийн ордон үзэж, завин аялал, шоппинг хийцгээсэн юм. 
 
        “Чандмань Трэйвл” аяллын компанийн захирал Д.ӨЛЗИЙСАЙХАН: Манай компанийн хувьд аяллуудаа маш сонирхолтой хийхийг зорьдог
 
 - “Чандмань Трэйвл” аяллын компанийг 2015 онд байгуулсан. 2018 он хүртэл Монголдоо гадны жуулчдыг авчирдаг байсан бол тус оны дундаас БНСУ руу монгол аялагчдаа гаргадаг болсон. Ингэхдээ Солонгосын Төрийн өмчит аялал жуулчлалын корпораци “KTO”-тэй хамт эрүүл мэнд, гоо сайхны аяллыг хийдэг байв. Одоо бид монголчуудын хамгийн их аялдаг Азийн бүхий л орон руу аялал гүйцэтгэж байна.
 
             “Juneyao Air” компанийн Монгол руу хийх нислэг жилийн хугацаанд үргэлжилнэ. Манай компанийн хувьд ирэх гуравдугаар сарын 31 хүртэл хөтөлбөртэй аяллуудаа авна. Ингээд дөрөвдүгээр сараас “Juneyao Air” компанийн дамжин нислэгүүд гарах юм. Тиймээс бид холбосон аяллуудыг тус сараас гаргаж эхэлнэ. Өөрөөр хэлбэл, Хайнаны Саньяагаас Сингапур гэхчилэн 2-3 хотын аяллыг төлөвлөөд байна. Мөн дан билет борлуулалтыг хийнэ. Манайхан Сингапур явахын тулд Бээжингээр биш Саньяагаар дамжвал илүү өртөг багатай тусах юм. 
 
-Сүүлийн гурван жил Вьетнам болон Зүүн өмнөд Азийн аяллыг давамгай гаргаж байгаа-
 
     Манай компанийн хувьд аяллуудаа маш сонирхолтой хийхийг зорьдог. Тухайн оронд очиж л байгаа юм чинь түүх соёл, ёс заншилтай нь танилцах ёстой. Очоод далайн эрэг дээр суух нь гол биш. Тиймээс манайд Вьетнамын дан Фукуокийн аялал гэж байдаггүй. Яагаад гэвэл Фукуок бол Хайнантай л ижил нэг арал. Иймд Вьетнамын Ханой, Халонг, Фукуок гэсэн гурван хотын аяллыг гаргадаг. Учир нь Вьетнам бол Азидаа маш өндөр соёлтой орон. Ханой хотыг үзэхгүйгээр тус орны түүх соёлыг ойлгохгүй. Мөн монголчуудын нэрлэж заншсан 1000 арлын далайн аяллыг хийгээд үндсэн амрах хэсэгтээ Фукуокийг сонгодог. 
 
-Тусгай сонирхолт аяллуудыг хийж эхэлсэн-
 
          Түүнчлэн тусгай сонирхолт аяллуудыг хийж эхэлсэн. Эхний ээлжинд гадны гэрэл зурагчдыг Монголдоо авчирдаг байсан бол одоо Монголын гэрэл зурагчдыг гадагшаа авч явдаг төслүүдийг эхлүүлээд байна. Тодруулбал, МГЗНХ-той хамтран 2024 онд Сингапурын аяллыг зохион байгуулсан бол ирэх тавдугаар сард Африк, аравдугаар сард Шири Ланка явахаар зорьж байна.
 
  Аялагч Ц.ГАН-ӨЛЗИЙ: Хайнанд үзээд явбал маш гоё үзэсгэлэнтэй газар, аялал жуулчлалын бүтээгдэхүүнүүд олон байна
 
         -Хайнан 10-аад жилийн өмнө ирж байснаас үнэхээр өөр болжээ. Хөрөнгө оруулалтыг маш сайн хийж, аялал жуулчлалыг хүчтэй хөгжүүлсэн байна. Эндхийн шилэн гүүр хүүхэд явахад тун тохиромжтой санагдлаа. Учир нь Жанжиажиэгийн шилэн гүүрээр зарим хүүхэд айдсаасаа болоод явж чаддаггүй. Тэгвэл Хайнаны шилэн гүүрээр гэр бүлээрээ явахад тун тохиромжтой юм байна. Хайнанд үзээд явбал маш гоё үзэсгэлэнтэй газар, аялал жуулчлалын бүтээгдэхүүнүүд олон байна. Цаг агаарын хувьд ч монголчуудад тун таатай байлаа. Сэтгэгдэл үнэхээр өндөр байна.
 
Аялагч Г.ГАНЦЭЦЭГ: Хайнанд үзээд явбал маш гоё үзэсгэлэнтэй газар, аялал жуулчлалын бүтээгдэхүүнүүд олон байна
 
      -Өнөөдрийн аялал тэр чигтээ ногоон байлаа. Өглөө цэцэрлэгээр явж, өдөр нь ууланд гараад. Энэ аяллыг сонгосон үнэхээр сэтгэл хангалуун байна. Хайнанд үзээд явбал маш гоё үзэсгэлэнтэй газар, аялал жуулчлалын бүтээгдэхүүнүүд олон байдаг нь их таалагдлаа.
Ардын урлагийн “ХУУР МАГНАЙ” чуулга: 25 хүний бүрэлдэхүүнтэй аялаж байна
 
 -Манай чуулга Хайнанд анх удаа аялахаар 25 хүний бүрэлдэхүүнтэй ирлээ. Үнэхээр сайхан цаг агаартай үед таарсан байна. Эргэж очоод энэ эрч хүчээрээ ажиллацгаах байх аа.  Бидний хувьд 2025 оны дөрөвдүгээр сараас аравдугаар сар хүртэл жуулчдад зориулсан тоглолттой байгаа.

"Чандмань Трэйвл"-ийн дулаахан аялалууд үргэлжилсээр...
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.