Үндэсний их баяр наадмын хурдан морины уралдааны шүдлэн морьд барианы зурхайд ирлээ. Тулгар төрийн 2231 жил, Их Монгол Улс байгуулагдсаны 816 жил, Ардын хувьсгалын 100, 101 жилийн ойн баяр наадмын хурдан морины уралдааны шүдлэн морьдыг “Шунхлай групп” ХХК-ийн ерөнхий захирал П.Батсайханы зээрд халзан үрээ тэргүүлэв.

                        Улсын баяр наадмын хурдан шүдлэнд түрүүлсэн зээрд халзан үрээний унаач хүү сэтгэгдлээ хуваалцахдаа “Ахынхаа захиснаар уралдсан. Давираад, гуядаад, ташуураа сайн эргүүлээрэй гэж захисан. Би хэлсэн гурвыг нь ээлжилж хийсээр байгаад түрүүлчихлээ. Өнгөрсөн жил хязааланд уралдаан хорин хэдээр орсон. Бүсийн уралдаанд зургаалсан” гэлээ.