Чингэлтэй дүүргийн 17 дугаар хороо Зүрх уулын орчим долдугаар сарын 19-нд хөгжлийн бэрхшээлтэй иргэн С.Нэргүй гэрээсээ гараад сураггүй алга болсон тухай бид өмнө нь мэдээлсэн. Тэгвэл тухайн иргэнийг олоогүй бөгөөд эрэн хайх ажиллагаа үргэлжилж байна. Тэрбээр 165-170 см өндөртэй, 70-75 кг орчим жинтэй, бөгтөрдүү нуруутай, явахдаа зүүн талын цээжээ унжуулж явдаг. Ямар нэгэн шивээс, сорвигүй аж. Алга болох үедээ саарал фудболка, хар өмдтэй байжээ.

   Иргэн С.Нэргүй эмнэлгийн байгууллагын хяналтад байдаг ба бие даан гадуур явах чадваргүй. Тухайн иргэнийг харсан хүн байвал Цагдаагийн байгууллагын 102, 89971138 утсанд мэдээлэл өгнө үү.