Эрчим хүчний салбарын 2021-2022 оны өвөлжилтийн бэлтгэл хангах, түүнийг хэрэгжүүлэх төлөвлөгөөний талаар Эрчим хүчний сайд Н.Тайванбэх Засгийн газрын гишүүдэд танилцуулжээ.

Өвөлжилтийн бэлтгэл ажил тус салбарын хэмжээнд энэ сарын 10-ны байдлаар 45.9 хувь байна. Үүнээс үйлдвэр, компаниуд 47.6 хувь, нүүрсний уурхайнууд 30 орчим хувийн гүйцэтгэлтэй ажиллаж байгаа аж. “Тавантолгой түлш” ХХК-ийн сайжруулсан шахмал түлшний түүхий эдийн нөөц энэ сарын 10-ны байдлаар дундын агуулахад 93 мянган тн, баруун болон зүүн бүсийн үйлдвэрийн хашаанд 70 мянган тонн байна.

Харин нийслэлийн зургаан дүүрэгт байрлах 55 агуулах болон үйлдвэрийн агуулахад нийт 5.9 мянган тонн сайжруулсан шахмал түлшний нөөцтэй байгаа юм.