Олон улсын таэквондогийн Монголын холбооны өсвөр үе, залуучуудын улсын аварга шалгаруулах тэмцээн болох гэж байна. Таэквондогийн бага нас, өсвөр үе, залуучуудын ангиллын 30 дахь удаагийн УАШТ 2025 оны гуравдугаар сарын 28-30-ны өдрүүдэд болох юм. Улсын аваргад шалгаруулах тэмцээн нь дэлхий дахинд олон улсын таэквондогийн  бие хамгаалах урлаг үүсэж хөгжсөний 70 жил, Монгол Улсад үндэс сууриа тавьж хөгжиж эхэлсний 35 жилийн ойн хүрээнд зохион байгуулагдаж байгаа. УАШТ-ий 14-15 нас, 16-17 насны ангилалд алт, мөнгөн медаль хүртсэн тамирчид 2025 оны аравдугаар сарын 3-13-ны хооронд Итали Улсад болох 23 дахь удаагийн ДАШТ-д эх орноо төлөөлөх эрх хүртэнэ.