Орхон аймгийн Сархиа цанын баазад өнөөдөр эхэлсэн гүйлтийн цанын сонгомол төрлийн уралдааны эхний зай хөвгүүдийн 10 км-ын уралдааны медалийн эзэд тодорлоо. Энэ зайд Төв аймгийн тамирчин С.Мөнхжаргал 27:33 секундэд замаа дуусгаж аварга боллоо. Удаах байрт Архангай аймгийн тамирчин Н.Мөнхтулга, Хөвсгөл аймгийн П.Золжаргал нар шалгарсан байна. С.Мөнхжаргал хүүхдийн спортын наадмын эхний өдөр тэших техникийн уралдаанд 2-р байрт шалгараад байсан. Ийнхүү тэрбээр тус наадмаас хоёр дахь медалийн болзлоо хангалаа.