Биеийн тамир спортын улсын хороо, САУЭШТ болон Өмнөд Солонгосын Спортын шинжлэх ухааны хүрээлэн хамтран “ЮНЕСКО” -ийн "Хүүхэд, залуучуудын хөгжлийг спортоор дэмжих" хөтөлбөрийг хэрэгжүүлнэ. Тус хөтөлбөрийн хүрээнд өсвөрийн тамирчин, багш, дасгалжуулагч, их дээд сургуулийн багш, судлаач, оюутнуудад зориулсан олон улсын сургалтыг зохион байгуулахаар боллоо.

             Энэхүү сургалтын үеэр Өмнөд Солонгосын Спортын шинжлэх ухааны хүрээлэнгийн эрдэмтэн, судлаачид сургалтыг удирдан явуулна. Энэ удаагийн сургалт есдүгээр сарын 7-ны өдрийн 10:00 цагт Залуучуудын соёлын ордонд байрлах Нийслэлийн иргэдийн танхимд үнэ төлбөргүй явагдана.

           Биеийн тамир, спортын чиглэлээр сургалт явуулдаг их дээд сургуулиуд оюутан багш нар, спортын холбоод, аймаг, дүүргийн БТСГ-ууд өсвөрийн тамирчид, дасгалжуулагч, арга зүйч нараа оролцуулах бол оролцогчдын нэрсийг  энэ сарын 4-ний өдрийн дотор [email protected] мэйл хаягаар бүртгүүлнэ.