Сангийн сайд Б.Жавхлан цаг үеийн асуудлаар мэдээлэл өглөө.

   Тэрбээр “Төсөв дөнгөж сайжирч буй үед бид төсвийн орлогоор оролдох нь зохисгүй. Одоо ярьж байгаа 600 тэрбум төгрөгийн зарлага гаргах боломжтой байгаа бол орлогоо бүтэн байлгах хэрэгтэй. НӨАТ уншуулж буй нэг сая хоёр зуун мянган иргэний 90 хувьд нь бага буцаан олголт очно. Үүний оронд нийгмийн даатгалын шимтгэл бууруулах, хүүхдийн мөнгө нэмэх нь оновчтой шийдвэр байж болно. Ингэснээр иргэн, айл өрх бүрд бодит хүртээмжтэй байна. Мөн найман төрлийн жижиг зардал нэмэгдэж байгаа. Тэдгээр нь нийлээд, 465 тэрбум төгрөг төсөв дээр нэмэгдэж орж ирлээ” гэлээ.