Монголын бурхан шашны төв, Гандантэгчинлэн хийдийн тэргүүн, их хамба лам Д.Чойжамц албанаасаа чөлөөлөгдөх хүсэлт гаргасан талаар болон кино урлагийг дэмжих сангийн тухайд сэтгүүлчид Соёлын сайд Ч.Номингоос тодрууллаа.

        Тэрбээр “Өнөөдрийн байдлаар Чойжамц хамбын талаарх мэдээллийг бүрэн аваагүй байна. Үндсэн хуулиараа шашин, төр хоёр тусдаа байдаг. Соёлын яамны хувьд шашны байгууллагын соёлын өвийг хадгалан, хамгаалах тал дээр илүү анхаарал хандуулдаг. Харин кино урлагийг дэмжих сангийн хувьд 10 тэрбум төгрөг байгаа. Энэ сангийн зарцуулалтыг Кино урлагийн зөвлөл хариуцан, төслийг хүлээн авч, хэлэлцэн шалгаруулалт хийж өгдөг. Энэ удаад 2022 оны 10 орчим төсөл ярьж байна” гэв.