Нийтийн тээвэрт парк шинэчлэл хийхтэй холбоотой энэ жил төсөвт 420 тэрбум төгрөгийг тусгасан. Улмаар парк шинэчлэлтийн нэгдүгээр ээлжийн автобуснуудыг үйлчилгээнд явуулж эхэлсэн. Харин шинээр орж ирсэн автобуснуудын он, арлын дугаарыг өөрчилж, хугацаа нь дууссан автобуснууд оруулж ирж үйлчилгээнд явуулсан байж болзошгүй гэх асуудал гараад буй. 

Тэгвэл шинээр оруулж ирсэн автобустай холбоотой асуудлыг хууль хяналтын байгууллагаас шалгаж эхэлсэн нь үнэн гэдгийг эх сурвалж мэдээллээ. Улмаар ажлын хэсгийн дүгнэлт гарахыг хүлээж байгаа аж.