Ардчилсан намын Эмэгтэйчүүдийн холбоонд нэр дэвшигчид өнөөдөр  үнэмлэхээ гардаж авснаар АЭХ-ны сонгуульт ажил албан ёсоор эхэлж байгаа юм. Нийт есөн хүн нэрээ дэвшүүлснээс Д.Энхтуяа, Г.Хажидмаа нар нэрээ татсан байна.

Тэгвэл АЭХ-ны Ерөнхийлөгчид УИХ-ын гишүүн А.Адъяасүрэн, АН-ын ҮБХ-ны гишүүн Б.Жаргалан, "М-Ойл" группийн захирал Б.Пунсалмаа,  Ашигт малтмалын газрын дарга асан Д.Үүрийнтуяа, ҮБХ-ны гишүүн Д.Эрдэнэсувд, АН-ын гишүүн Ц.Уянга, АН-ын гишүүн Н.Одонгуа нар нэр дэвшигчийн үнэмлэхээ гардаж авлаа. Ардчилсан эмэгтэйчүүдийн холбооны дээд чуулган энэ сарын 25-ны өдөр болно. Тус чуулганаар АЭХ-ны ээлжит Ерөнхийлөгчийг сонгох бөгөөд 21 аймаг есөн дүүргийн 800 гаруй төлөөлөл оролцож АЭХ-ны шинэ Ерөнхийлөгчийг сонгон баталгаажуулах юм.