Засгийн газрын хуралдаанаас гаргасан шийдвэрийн талаар танилцуулж байна  УОК-ын нарийн бичгийн дарга Т.Баярхүү "Орон нутагт халдварын тархалт нэмэгдэж, эмнэлгийн ачаалал нэмэгдэж байгаатай холбоотой өчигдрийн байдлаар 18 аймгийн 196 сум зургаан тосгон хязгаарлалт тогтоогоод байна. Энэ аймгуудаас долдугаар сарын 9-нд хөл хорио нь цуцлагдах 13 аймгийн 101 сум бий.

Үлдсэн аймаг, сум нь үргэлжлүүлэн хөл хориотой байна. УОК-оос хязгаарлалт нь дуусаж байгаа аймгуудыг дахин хөл хорио тогтоохгүй байх чиглэл өгч байгаа. Мөн Өмнөговь, Дорноговь аймагт хатуу хөл хорио үргэлжилнэ. ХӨСҮТ-өөс урдчилсан байдлаар орон нутагт дахь халдварын тоо нэмэгдэнэ. Эмнэлэгт хэвтэлт 20 хуваарь, халдварын тоо өдөрт 1300-д хүрнэ гэж тооцоолсон байна. Хот хооронд зорчихдоо түр журмыг баримтална. Өөрөөр хэлбэл, вакцины хоёр дахь тундаа хамрагдаад 14-өөс дээш хоносон байх. Мөн хот айлаар орохгүй, байгальд амрахыг зөвшөөрнө. Суурин газраар орохдоо шатахуун хэрэгцээт зүйлсээ авахдаа орно гэсэн шийдвэр гаргасан" гэлээ.