УИХ-ын гишүүн Ж.Мөнхбат архидан согтуурсан үедээ эхнэрээ зодсон талаар бид мэдээлсэн билээ. Энэ талаар түүний эхнэр Б.-гийн ээж Д.Цэцгээ "УИХ-ын гишүүн Жамъянгийн Мөнхбат эхнэр, гурван нялх хүүхдийнх нь ээж, миний амин хайртай охин Б-г удаа дараа зоддог нь үнэн боллоо. Охин минь гурван хүүхдээ бодоод аав, ээж, ах, эгч, нартаа ч хэлээгүй шаналж явсанд нь би мэдээгүй явсандаа харамсаад баршгүй. Хаалгаа цөм өшиглөж эвдсэн, одоо ч хаалганууд нь эвдэрхий хэвээрээ байгаа. Одоо би эцсийн амьсгалаа хураатал тэмцэн, өмгөөлж хамгаална. Хайртай шүү охиндоо" хэмээн мэдэгдсэн билээ. 

Тэгвэл уг хэргийг Хан-Уул дүүргийн II хэлтэс дээр шалгаж байгаа аж. Түүнчлэн Ж.Мөнхбат гишүүний эхнэр гомдлоо буцаасан гэх мэдээлэл бий. Шалгалтын ажил үргэлжилж байгаа учраас цагдаагийн байгууллагаас дэлгэрэнгүй мэдээлэл өгөх боломжгүй гэлээ.