Монгол Улсын Ерөнхийлөгчийн найм дахь удаагийн сонгуулийн санал хураалтын дүнг Сонгуулийн ерөнхий хорооноос нэгтгэх ажил үргэлжилж байна. Ерөнхийлөгчийн сонгуульд МАН-аас нэр дэвшигч У.Хүрэлсүх мэдээлэл хийлээ. Тэрбээр “Намайг дэмжиж, хариуцлага үүрүүлж байгаа иргэддээ баярлалаа. Эхлүүлсэн ажлаа үргэлжлүүлэх итгэл гэж бодож байна. Ард иргэдийнхээ итгэлийг чөмгөө дундартал зүтгэж, хариулах болно. Хамт нэр дэвшсэн С.Эрдэнэ, Д.Энхбат нарт баярлалаа. Цаашдын улс төрийн замналд нь амжилт хүсье. Зардал багатай, зөв шударга сонгууль боллоо. Ард түмэндээ баярлалаа. Монгол Улсын төлөө зүтгэе” гэв.